Aðstaðan í Básum rannsökuð

Ritstjórn golfbloggsins fór í Bása í kvöld að rannsaka hvort aðstaðan sé enn jafn glæsileg og hún var síðasta vetur. Niðurstaðan er að aðstaðan er boðleg félögum golfbloggsins og því verða æfingar haldnar öll mánudagskvöld í vetur kl. 20. Sem fyrr biðjum við áhorfendur að standa ekki of nálægt golfurum á meðan á æfingum stendur til að forðast meiðsli.

Myndir frá lokuðu lokahófi Florida Captain mótsins eru komnar inn á alnetið. Myndavélin týndist skömmu eftir að síðasta mynd var tekin og greinilegt að búið var að hreinsa nokkrar myndir úr minni hennar enda ástand manna nokkuð hressilegt. Sumir enduðu á því að vera sóttir af frúnni niður í miðbæ um leið og unglinginn!!!

Hér er vefslóðin á myndasyrpuna 

Frábæru golfmóti lokið

Þá er Florida Captain mótinu lokið. Keppendur og áhorfendur voru til fyrirmyndar og gekk mótið áfallalaust fyrir sig. Úrslit verða kynnt síðar í kvöld á lokaðri vel-launahátíð. Meðfylgjandi er mynd af BlueTeam sem vann án vafa búningakeppnina sem reyndar var illa auglýst en Steini og Siggi vissu nákvæmlega af keppninni.

Stóri golfdagurinn er í dag - Florida Captain mótið

Við óskum keppendum til hamingju með veðrið sem lítur vel út en á tímabili var spáð ofsaveðri. Keppendur eiga að mæta klukkan 14.30 og fara yfir keppnisskilmála og þiggja Captain í Coke í teiggjöf.
Við biðjum áhorfendur að raða sér vel meðfram vellinum og passa ávallt upp á að vera ekki í skotlínu við leikmenn. Frítt er inn á vallarsvæðið fyrir konur og börn og karlmenn. Hvetjum fólk til að fjölmenna og fylgjast með neðangreindum afreksdrykkjumönnum keppa í dag í móti ársins.
Hér er svo uppröðun á hverjir leika saman, en leikið er eftir Captain Scramble fyrirkomulagi, sem er nokkurn veginn allir saman.

Holl nr 1.
Sigvaldi T. Sigurðsson    18.5
Lórenz Þorgeirsson         11
Páll L. Sigurðsson        22.8
Forgjöf 7

Holl nr. 2
Þórleifur Gestsson    9.6
Páll Eyvindsson        26.1
Loftur Ingi            8.9
Forgjöf 6

Holl nr. 3
Sigþór Magnússon "Plummer"19.9
Kristján Jóhannsson19.8
Dóri Bárðar 21
Sigurður Stefánsson21.4
Forgjöf 8

Holl nr. 4
Steingrímur Waltersson    13.1
Sigurður Hlöðversson        20.2
Bjarni Ragnarsson        17.5
Óskar Alfreðsson            21.8
Forgjöf 7

Golf-pokamerkin sem allir vilja

 

 

 

 

 

 

 

 

 

 

 

Þá eru golfpokamerkin fyrir Floridaferðina 2008 klár í framleiðslu eins og kynnt var á kynngarfundinum á Players í gærkveldi. Fyrstur til að borga staðfestingargjaldið var enginn annar er Stones Carpenter eða Steingrímur Waltersson. Maðurinn er iðnaðarmaður og þeir eru ekki fátækir um þessar mundir. Steini mun því skarta nýja pokamerkinu á laugardaginn í Florida Captain mótinu. Hér er mynd af pokamerkinu hans Steina.

Fundur á Players í kvöld kl. 21.00.

Nú er rétt að minna á fundinn í kvöld á Players klukkan 21:00
 
Farið verður yfir Floridaferðina 2008.
Tímasetningar, verð og fl.

Allir áhugasamir hvattir til að mæta og tala við Lórenz og Sigga Hlö.

Íslenskt golfmót á Hanbury Manor í október

Egils Premium og Bylgjan Open
Stefnan er lögð til London þar sem spilað verður á Hanbury Manor golfvellinum.
Golfmót Egils Premium og Bylgjan Open verður haldið föstudaginn 12.október og byrjar kl. 09.00.
Í þessari ferð verður einnig boðið upp á að fara og sjá HSBC World Match Play sem haldið er á Wentworth vellinum frá 11.október og fram til 14.október. Þetta verður því veisla fyrir golfáhugamenn.
 
Keppt verður í punktakeppni með og án forgjafar. Það verða nándarverðlaun á öllum par 3 brautum og verðlaun fyrir lengsta drive á braut 12.
 
Það verður ræst á 1. og 10. holusamtímis. Boðið verður upp á léttar veitingar á útvöldum teigum. Allir þurfa að skrá rétta forgjöf áður en farið er af stað. Skráning á forgjöf er hjá Express Ferðum, sími 5900 102.

Nánari upplýsingar hér 

Stórgolfarar boða komu sína í íslenskt mót

Eftirtaldir stórmeistarar eru skráðir til leiks á Florida Captain mótinu þann 22. september:
Loftur Ingi    8.9
Pétur Ingi Pétursson    12.4
Páll L. Sigurðsson    22.8
Steingrímur Waltersson    13.1
Sigvaldi T. Sigurðsson    18.5
Sigurður Hlöðversson    20.2
Lórenz Þorgeirsson   10.8Bjarni Ragnarsson    17.5
Óskar Alfreðsson    21.8
Þórleifur Gestsson    9.6
Sigþór Magnússon "Plummer"    19.9
Kristján Jóhannsson    19.8
Páll Eyvindsson  26.1

Aðrir sem ætla að mæta en hafa ekki skráð sig eru beðnir að klára það strax með því að senda póst á [e-mail]

Florida Captain mótið 22. september - skráning núna!

Hið árlega 9 holu Florida Captain mót fer fram laugardaginn 22. september. Mótið verður haldið á Mýrinni hjá GKG og verður opið öllum sem komið hafa með okkur í Floridaferðir með Birdie Travel ásamt mönnum sem eru fullir áhuga á að koma með. Mótsgjald verður kr. 3.000 og eftir mót verður grillað og drukkið. Áður en nánari upplýsingar verða gefnar út þurfa þeir sem ætla að mæta að skrá sig á netfangið [e-mail] því við höfum takmarkað pláss á völlinn og einnig þurfum við að vita hversu margir hafa áhuga til að geta klárað að skipuleggja dæmið. Sendið strax email, fullt nafn og grunnforgjöf.

Skrá sig núna [e-mail]

PRO/AM á Hvaleyrinni í dag gekk vel

Spilaði í dag á Hvaleyrinni í PRO/AM móti sem var stryktarmót fyrir IPGA skólann. Ég fékk að spila með góðum vini mínu, Ottó Sigurðssyni atvinnumanni í golfi, sem um síðustu helgi varð Íslandsmeistari í holukeppni. Aðstæður til golfs voru fínar framan ef en þegar við áttum 4 holur eftir þá var þetta úrhellisdemba og frekar leiðinlegt að spila golf, þó við höfum skemmt okkur ákaflega vel.Ég verð að viðurkenna að spila með svona hrikalega góðum gaurum setur mann aðeins út af laginu, ég spilaði sennilega minn versta hring í sumar á með Ottó tók 3 fugla í röð á fyrstu þremur brautunum. Ég áttaði mig á því að golf er svakalega einföld íþrótt. Bara hugsa aðeins, miða rétt og slá vel - ekkert annað! Mótið endaði þannig að Ottó vann höggleikinn, spilaði á einum undir og samtals á punktum urðum við í 3. sæti!!!! Ottó fékk 100þús kall í verðlaun og ég fékk 20þús króna inneign hjá ECCO. Capteinninn verður þá væntanlega fljótlega kominn á glæsilega og rándýra ECCO skó á næstu dögum. Fékk reyndar lánaða skónna hjá Stones smið um daginn og var bara að fíla þá mjög vel. Annars styttist í fundinn góða og skipulagning á Florida Captain er hafin en endanleg dagsetning ekki komin. í bili. Hlö.

King Cobra Offset driverinn er svakalegur

Mr. Hlöðversson fékk sér nýjan KIng Cobra Offset driver, beint úr kassanum, svokallaðan súper streight á Florida. Um leið og Capteinninn lenti á Íslandi var skundað með Gumma HiSpot mági mínum, Stones Carpenter og Peter "the hole in one" í Coke. Við hentum okkur sem leið lá í höfuðstað apa á Íslandi, Hveragerði og skelltum á hinn fína og góða völl þeirra. Gvendurinn var með það á hreinu að það átti að rústa máginum með flugþreytuna. Svo við gerum langa sögu stutta þá skildi ég HiSpot stjörnuna eftir í rykmekkinum undan nýja drivernum og rústaði rauða ljóninu. Hann sá ekki til sólar enda þungt yfir. Mæli með að menn prófi þennan nýja driver, sérstaklega þeir sem eiga það til að vera mikið til hægri á brautum. Hef heyrt að Sissi píp eða sleggjan eins og hann er kallaður okkar á milli, hafi lagt R7 drivernum og keypt sér King Cobra - þetta geta þessir iðnaðarmenn! Later.
Hlö.