Æfingar í Básum - léleg mæting!

Jæja félagar,

Þá eru æfingar hafnar aftur í Básum öll mánudagskvöld kl. 20. Á síðustu æfingu mættu 3 og hálfur. Siggi Hlö, Lórenz og Valdi ásamt því að Jónatan lögga á bakvakt mætti fyrir utan Bása en var kallaður út. Þetta er auðvitað léleg mæting en ber að þakka þó þeim sem mættu. Á æfinguna mætti Valdi með sannkallað Gadget frá USA. Þetta er sveifluhraðamæling sem mælir hraða kylfuhausins og gefur upp hvernig maður stendur sig í sveifluferlinu. Þetta er undratæki og við erum að spá í að fá Valda til að mæta aftur með þetta tæki næsta mánudag og sjá hvort það hreyfi ekki menn úr sófanum! Reyndar kemst Capteinn Hlö ekki á æfinguna þar sem hann verður staddur norður af London á engu smá golfhóteli www.oldthorns.com að skemmta sér og öðrum. Endilega kíkið á þessa vefsíðu og grenjið!

Athugasemdir

[Guðmundur Magnússon (IP-tala skráð) 25.10.2009 kl. 18:52]

Sælir félagar.  Hef haft gaman að fylgjas með ykkur.  Er sjálfur í svona hóp sem reglulega fer í ferðir.

En við lestur þessarar færslu hér að ofan segið þið að Siggi Hlö verði staddur norður af London.  En við í mínum hóp eyddum þarna nokkrum dögum og er staðurinn suður af London og völlurinn þarna alveg hreint stórkostlegur.

[Siggi Hlö (IP-tala skráð) 28.10.2009 kl. 19:52]

Þetta er rétt Guðmundur!

Eitthvað eru fréttaritarar síðunnar áttavilltir. En það er rétt, þessi völlur er hreint stórkostlegur og erfiður. Ég hlakka til að koma þarna aftur því þessi völlur var að skipta um eigendur og nú er verið að gera upp allt hótelið og SPA dæmið er magnað. Völlurinn er núna að detta í vetrarham, honum verður lokað núna í lok okt og fram á nýár. Nokkrar brautir þarna eru stórkostlegar, sérstaklega 6. brautin niðreftir og 15. braut sem liggur samhliða uppeftir. Þvílíkur hæðarmunur. Mæli með þessu fyrir golfara sem vilja vera á flottu golfsvæði á mjög viðráðanlegu verði.

 Siggi Hlö