Mátti sjá menn vera farna að riðga

Það voru gallvaskir sveinar sem mættu á æfingu í kvöld og sýndu listir sýnar fyrir gesti og sveiflandi golfhetjur. Það mátti greina stirðleika og riðmyndun hjá nokkrum okkar. En með skipulagðri upphitun teigjum og ráðleggingum þá náðu þeir hinir sömu að sýna sitt rétta andlit.

Mest var þó talað um hveð Lórenz var lélegur á móti í Sandgerði fyrir rétt viku síðan. Gerði kappinn bara grín að sjálfum sér og vildi meina að fimm "out off" á sama hring væri eitthvað sem færi í sögubækur. Meðan Lolli þrípúttaði á fyrstu fjórum flötum þá notaði Stinni bara fjögur pútt. Stinni notaði eingöngu 26 pútt á hringnum og var hrein unun að sjá hvert púttið rata rétta leið og allt upp í 12 metra löng pútt sem smiðurinn þrumaði niður eins og ekkert væri sjálfsagðara.

Fín æfing og mikið spjallað svo þið sem ekki komust í kvöld getið látið ykkur hlakka til næsta mánudags þar sem Stinni fer annan hluta um klæðaburð kylfinga.