Æfingasvæði GKG verður glæsilegt

Nú hefur æfingasvæði GKG verið lokað vegna endurbóta sem standa fyrir dyrum. Ætlunin er helluleggja allt sláttursvæðið og hreinsa til og gera aðstöðuna snyrtilegri og betri. Í framhaldi af því verða nýjar mottur fengnar auk kúluþvottavélar sem tengist við boltavélina. Er vonin að eftir þessar breytingar verði æfingasvæðið orðið mun betra en það er og því þægilegra að æfa sig að kappi á því.

Stefnt er að því að opna svæðið eigi síðar en 6. júní nk.

GKG biður félaga og viðskiptavini sína velvirðingar á þeim óþægindum sem fylgir lokun svæðisins, en telja að menn skilji vel þá miklu þörf sem er á úrbótum svæðisins.