Styttist í ferðina okkar!

Undanfarna daga hef ég hitt marga marga sem tengjast öðrum skemmtilegum golfhópum og flestir þeirra hyggjast á ferðir með vorinu. Nokkrir hafa óskað okkur góðrar ferðar og telja að tímasetning okkar sé mjög góð, mátulega langt í vorið hér heima sem ég er sammála. Þegar þetta er ritað eru aðeins 23 dagar í "go to gate" á Leifsstöð. Einhverjir pakkar eru þegar farnir að berast í klúbbhúsið og greinilegt að konur okkar eru duglegar að sörfa um netið og finna vörur til kaups. Nokkur golfsett munu bíða eftir okkur eða alla vega nokkrar kylfur sem munu bæta við settið sitt. Nú er það bara bið og ekkert nema bið fram að brottför. Heyrst hefur að nokkrir leikmenn ætli að bæta við sig æfingum í Básum og það verður einna skemmtilegast að fylgjast með rakaranum á Dúett Skipholti, Mr. Barber, honum Óskari en hann hefur verið hjá kennara í vetur og virðist nokkuð sterkur um þessar mundir. Málið er bara að toppa á réttum tíma - ekki samt eins og íslenska landsliðið í handbolta! Drulla á sig erlendis hehe.....