Fullt af golfmótum um Hvítasunnuhelgina

GR verður með innanfélagsmót:
Annað innanfélagsmót sumarsins hjá Golfklúbbi Rekjavíkur verður haldið á Korpu laugardaginn 10. maí og verður völlurinn opnaður með formlegum hætti með mótahaldinu. Leikið er í tveimur flokkum 0-8,4 og 8,5 og hærra.

Keilir verður með afmælismót, Texas Scramble:
Glæsileg verðlaun fyrir fyrstu 3. sætin.
Nándarverðlaun á 10 og 16 holu.
Þátttökugald kr 3500

Gkj í Mosó verður með innanfélagsmót:
Hið árlega Hvítasunnumót verður haldið á Hlíðavelli sunnudaginn 11. maí næstkomandi. Leiknar verða 18 holur og keppnisfyrirkomulag er Stableford punktakeppni.
Ræst verður af öllum teigum samtímis kl. 14:00.
Mæting og móttaka mótsgjalda frá kl. kl. 13:00 - 13:45
skráning á golf.is - Ath. aðeins til að taka við skráningum og raða í holl. Rástímar gilda ekki þar sem ræst er af öllum teigum kl. 14:00
Áætluð mótslok og verðlaunaafhending kl. 18:30-19:00
Veitt verða verðlaun fyrir 5 efstu sætin í punktakeppni. 

Næstum því búinn að meika það!

Á 1. maí mótinu í Mosó hjá Gkj var gríðarleg stemming og frábært golfveður. Menn mættu kappklæddir til leiks en urðu snemma að fækka fötum eins og rúmenskar fatafellur. Sumir voru hreinlega komnir á bolinn en samt bara 1. maí. Gummi Hi var í fantaformi og var næstum því búinn að meika það, spilaði fyrri hring á 22 punktum en þá tók sig upp Meistaramóts-shank, sem gerði hann landsfrægan síðasta sumar og eftir að hafa leikið 4 brautir á seinni hring án punkta var ljóst að stórsigur var ekki í uppsiglingu.

Það var ekki ónýt byrjunin hjá Árna Bjarnasyni, GO í 1. maí mót GKJ.  Hann gerði sér lítið fyrir og fór holu í höggi á 1. holu vallarins.  Óskum við Árna til hamingju með höggið.  

Golfvallaúttekt í Manchester

Hér sit ég á bar úti í Manchester, búinn að taka út nokkra góða velli hér í nágrenninu þó að kvöldið fari í að fara á aðalvöllinn hér í borg, Manchester. Dagurinn hefur verið frábær, ég er fararstjóri hér fyrir hönf Úrval Útsýn með 52 fótboltabullur að fara sjá leik Man United gegn Barcelóna. Það fer mikið fyrir aðdáendum liðanna í borginni og mikið sungið og kallað og grínast á götum úti. Allt í bróðerni!

Fyrir áhugasama um golf hér í grend við borgina þá er hér fínn listi golfvalla. Til að fá afslátt er nóg að segja "I know Captain Hlodversson" og þá er afslátturinn klár! 

A.    Swinton Park Golf Club - www.spgolf.co.uk - [phone] - fleira
B.    Chorlton Cum Hardy Golf Club - www.chorltoncumhardygolfclub.co.uk - [phone] - fleira
C.    Marriott Worsley Park Hotel & Country Club - www.marriottworsleypark.co.uk - [phone] - 3 umsagnir
D.    Brookdale Golf Club Ltd - www.brookdalegolf.co.uk - [phone] - fleira
E.    The New North Manchester Golf Club Ltd - www.premierinn.com - [phone] - 2 umsagnir
F.    Sale Golf Club - www.salegolfclub.com - [phone] - fleira
G.    Heaton Park Golf Centre - www.heatonpark.org.uk - [phone] - 1 umsögn
H.    Fairfield Golf Club - www.fairfieldgolfclub.co.uk - [phone] - fleira
I.    Worsley Golf Club - www.worsleygolfclub.co.uk - [phone] - fleira
J.    The Northenden Golf Club - maps.google.com - [phone] - fleira

Fyrsta golfmót ársins í hífandi roki

Fyrsta golfmót sumarsins sem félagar í BirdieTravel mæta saman í fór vel fram í Leirunni í landi Garðs á Suðurnesjum. Hífandi rok var og fremur kuldalegt en þurrt og því alveg hægt að spila svokallað rokgolf.
Skor okkar félaga var viðundandi og hér eru punktar okkar manna:

Lórenz Þorgeirsson 31
Hafþór Ólafsson 27
Sigvaldi Tómas Sigurðsson 26
Jónatan Guðnason 13
Sigurður H Hlöðversson 22
Valgeir Guðmundur Magnússon 23
Kristinn S Kristinsson 27
Jón Kristján Ólason 31
Örn Unnarsson 32
Steingrímur Waltersson 25
Guðmundur Jón Tómasson 26
Jón Þór Sigurðsson 25
Kristján Sigurður Jóhannsson
Sigþór Magnússon 29
Sigurður Stefánsson 25
Páll Eyvindsson 22
Óskar Alfreðsson 30
Guðmundur J Hallbergsson 30
Ragnar Már Sveinsson 20
Bjarni Ragnarsson 18
Hjörleifur Harðarson 32
Björn Steinar Stefánsson 28
Guðmundur Lúther Loftsson 21

Laus rástími í Leirunni á morgun

Samkvæmt vefsíðu GS þá er rástími laus í mótið á morgun. Endilega kíkið inn á golf.is til að tékka betur á þessu en hér er tilkynningin sem GS setti á vefsíðuna sína:
Vegna forfalla er rástími kl. 8:00 laus, laust er fyrir fjóra. Skráning í mótið hefur gengið mjög vel og er löngu orðið fullt í mótið. Farið verður eftir mótareglum GSÍ varðandi forföll, ef keppendur láta ekki vita um forföll í tima áskilur klúbburinn sig rétt til að senda þeim greiðsluseðla.
Til að boða forföll senda póst á [e-mail].
Veðurspáin hefur aðeins tekið breytingum:
Heiðskírt, 10 metra vindur á sekúndu og 4 stiga hiti eða ískalt og rok - engin rigning. Úff....

Félagsfundur GKG

Næstkomandi þriðjudag, þann 29. apríl, verður hinn árlegi félagafundur GKG haldinn upp í Golfskála.
Hefst fundurinn klukkan 20:00 og stendur eitthvað fram eftir kvöldi.

Eins og ávallt þegar félagafundur að vori er haldinn verður farið yfir stöðu mála hjá klúbbnum, en stjórnendur klúbbsins munu sjá um það. Guðmundur vallarstjóri mun einnig fara yfir vallarmálin og má búast við því að á þessum fundi verði hægt að fá einhverja hugmynd um hvenær völlurinn opnar fyrir sumarið.

Við hvetjum alla félagsmenn GKG ti! l að mæta á fundinn, sýna sig og sjá aðra og leggja drög að komandi golfsumri.

Stjórn og starfsfólk GKG

Spáin fyrir golfmót sæmileg

Það er fullbókað og uppselt í fyrsta stórmót ársins, Carlsberg mótið í Leirunni, næsta laugardag. 199 keppendur skráðir. Samkvæmt spá Veðurstofunnar í dag, sem væntanlega breytist, þá er spáin sú að á laugardag verði suðvestan 5, lítilsháttar rigning og 9 stiga hiti sem er alls ekki sem verst. Við munum uppfæra spánna hér á síðunni okkar fram að mótinu.

Vinnukvöld hjá GKj-ingum

Nú fer að koma að hinu árlegu vinnukvöldum sem verða hjá okkur félögum  í Golfklúbbnum Kili.  Ákveðið hefur verið að taka til hendinni á vellinum okkar  mánudaginn 21. apríl og þriðjudaginn 22. apríl, frá kl. 18:00-21:00 og hvetjum við alla félaga til að mæta.  Þeir sem komast ekki kl. 18:00  mæta þegar þeir geta, því fleiri hendur vinna léttara verk.
     Við hvetjum nýliða í klúbbnum sem og aðra til að mæta en þetta er kjörinn vettvangur fyrir nýliða til að kynnast öðrum félögum klúbbsins.  Félagar tökum höndum saman og leggjum okkar að mörkum til að hafa Hlíðavöll jafn glæsilegan í sumar sem undanfarin ár.
     Við viljum biðja menn og konur að koma með helstu smíðatól, tráklippur  og garðhrífur með sér að heiman.
       Við vonumst til að sjá sem flesta með bros á vör og létta lund.  Kaffi og léttar veitingar á eftir í boði klúbbsins.
     Að auki verður þeim  sem mæta á vinnukvöldin boðið í lokað 9 holu golfmót, “Þjarkamótið” sem verður haldið miðvikudaginn 23. apríl eða strax daginn eftir seinna vinnukvöldið.
 
Vallarnefnd/skálanefnd

Heimild: gkj.is 

Dómaranámskeið fyrir GKGinga

GSÍ stendur fyrir dómaranámskeiði næstkomandi laugardag 19. apríl og hefst það kl. 10:00 í Íþróttamiðstöðinni í Laugardal (C-sal).

Námskeiðið er ókeypis og hvetjum við alla þá sem hafa áhuga á að gerast héraðsdómarar að hafa samband við GSÍ sími 514-4050 eða senda email á [e-mail] og skrá sig á það.
Þátttakendur þurfa að vera búnir að skrá sig fyrir kl.12:00 föstudaginn 18. apríl.

Í dag eru skráðir 10 héraðsdómarar hjá GKG sem eru allt of lítið hlutfall miðað við að félagsmenn í GKG eru 1.600 talsins svo við hvetjum alla þá félaga sem áhuga hafa á dómarastörfum að nýta þetta tækifæri og sækja um dómaranámskeiðið.

Landsdómaranámskeið verður svo haldið 3. maí ef þátttaka verður nægjanleg í Íþróttamiðstöðinni í Laugardal.

Heimild: gkg.is 

Spenningur fyrir golfmótinu í Leirunni

Það er gríðarlegur spenningur fyrir fyrsta stóra móti ársins, Carlsberg mótinu, sem fram fer í Leirunni 26. apríl. Skráning er hafin og eru ansi margir BirdieTravel félagar nú þegar búnir að skrá sig. Við hvetjum alla til að mæta því í okkar huga verður gott veður og mikil stemming. Captain Hlöðversson er búinn að fara í Hole in One og dressa sig upp. Fór í dag og Steini Hallgríms og Vignir tískutröll dressuðu Captaininn upp. Þeir eiga gríðargott úrval af fatnaði fyrir menn með sjálfstraust og verður Hlöðversson í sólarlitum eða Yellow Submarine. Hole in one á einnig svona sjálfstraustsgalla í rauðu, færi vel við Gumma Hi, grænu sem ætti vel við þá sem voru í camoflage húsinu og svo í appelsínugulu sem að sjálfsögðu er teiknað fyrir L´Orange eða Lollmann.

Það verður gaman að sjá hver hefur sjálfstraust og hver ekki í sumar. Við skorum á Sissa píp að koma út úr comfort zone og fá sér einn galla!